رَب سَوَّبی تیݙا میݙا میل کرایا
آکھیں تاں کہیں حِیلے اینکُوں اَمر بݨاوٗں
او کئی جَھٹ وِصال دا سِتروں،ہِک تھی پووں
یا کوئی اینڄہیں ران٘د رَساوٗں
ان٘ت اَبَد تئیں مِلدے راھوں
ڄے میں بݨ سمندر تیݙے ساحِل ڳولاں
ریتل وان٘گوں تَلئیں ہیٹھوں وَیہہ نہ ویسیں؟قائم تھیسیں؟
ڄے میں وقت دا ٻُوہا ٹَپ کے روہ بَݨ کھڑاں
نَدی بَݨ کے میݙے ان٘دروں راہ کَریسیں
بُھل نہ وَیسیں؟
وقت وِچھوڑا تیݙی میݙی تاڑ ءِچ جانی،پتھرتھی یا پاݨی