اَڄ بھال کریسو سائیں،نَویں ڳالھ کریسو سائیں
نَویں وا ھُݨ گُھلدی آندی،اِیہا سِک ساݙے مِتراں دی
شاہ نال رَلاؤ چا باندی،ویڑھے آپ وَسیسو سائیں
کُل کال کُٹاݨا جیوے،بھوئیں سینگا اپݨا تِھیوے
کھنڈ کِھیر رلا تے پِیوے،ھَتھیں آپ ونڈیسو سائیں
ھُݨ مُندری اَکھ تاں بھالو،ھُݨ کوئیتاں ڳالھ مَقالو
اُوھے پِیتاں اپݨیاں پالو،کَنیں رَس گُھلیسو سائیں
ھُݨ بھوئیں تے رَب لہاؤ چا،کَنیں مُندراں اوندے پاؤچا
اونکوں گھوٹ کُن٘وار بݨاؤچا،اونکوں رُسݨ نہ ݙیسوسائیں