تیکُوں یاد ھوسی میں آ کھیا ھَم،دِلدار مِٹھا   تُوں چھوڑ ویسیں   وَل وَل قرآن تے ھَتھ نہ رکھ،نہ قسماں کھا   تُوں چھوڑ ویسیں   کُجھ سوچ سمجھ کے فیصلہ کر،نہ جوش ݙِکھا   تُوں چھوڑ ویسیں   کر شاکِر کوں برباد سَڄݨ ، ٻس لوک کِھلا   تُوں چھوڑ ویسیں   *************************

  کَل خواب ݙِٹھم ڄو مر ڳیا ھاں،جَگ سوگ منیندے رہ ڳئے     کوئی تیار جنازے میݙے دا ، اعلان کریندے رہ ڳئے     چَن آرُوں ویاروں ٹُر تاں پئے ، او قدم گِھلیندے رہ ڳئے     ـ ڳئے غــیر جنازہ چا شــاکِـــر،او پیر دُھویندے رہ ڳئے     ـــــــــــــــــــــــــــــــــــــــــ،،شاکِر،،ـــــــــــــــــــــــــــــــــــــــــــــــــ    

  ھُݨ ڈھیر سچار نہ بَݨ ماھی،مَن نام خُدا       ـ ٻس چُپ کر ٻـَیہہ       میݙے دِل دے سُتـڑے زخماں کُوں ، تُوں نہ جگوا       ـ ٻس چُپ کر ٻـَیہہ       ـ ڄیہڑھی ھُݨ تائیں چَن تیں کِیتی اے،ویسی نِـتِر وفا       ـ… Read More Chup Kr Beh

  جیویں میکُوں آݨ رُوایا ھِئی،ایویں میں وانگُوں پَل پَل روسیں     ھِک واری روکے تھک ٻَہسیں،وَل دِل ݙُکھسیا تُوں وَل روسیں     نہ ݙُکھڑے آݨ وَنڈیسیا کوئی،تُوں لا کندِھیاں کوں ڳل روسیں     ـ ٻَس شــاکِــر فرق معیاد دا ھے،میں اَڄ رونداں تُوں کل روسیں     ************************************