میݙی آس اُمـید اُمنـگ اَݨ پَھـر ، پامـال تَھـئی       تُوں چُپ رہ ڳئیں         بے موسمی مَوت تے رو روکے اَکھ لال تَھئی       تُوں چُپ رہ ڳئیں         تیݙی دِید کِیتے بے دِید نَظر ، بےحال تَھئی       تُوں چُپ… Read More Medi Aas Umeed

    دِل دَردوں بھر پُور نَظـردۓ         چَن چِہرہ بے نُور نَظـردۓ         تَنہائی دی قید اِچ خادِم         عِیـد دا ݙینہہ عاشُـور نظـردے

    دَنگ دَنگ دِل تے،دھیڑے لائے نی         پُٹھے کُھوہ دے،گھیڑے لائے نی         پیار دے بدلے ، پیار نہ ݙِتو         اُلٹا آن کے جھیڑے لائے نی

  دِل اَݨ پَھر دا ، پَھـر ݙیکُھوں ھا         اے دریا وی ، تَـر ݙیکُھوں ھا         خَیـر تے شَـر، اِن دِل دی وَسوں         خَـیر تے شَـر دا شَـر،ݙیکُھوں ھا

  وَت سَچ کُوڑ سَوَلدے پئے ھَیں         شاید آپ دو وَلدے پئے ھَیں         تَیں بِن سان٘ول کون ݙساوے         رُلدے پَئے ھَیں،رَلدےپَئے ھَیں

  سان٘ول سوبھ تے نِکھڑۓ ھاسے         سان٘ول سوبھ تے مِل ݙیکُھوں ھا         کِھلدیں کِھلدیں رو پئے ھاسے         رون٘دیں رون٘دیں کِھل ݙیکُھوں ھا

  نہ لِکھ تَن دی تختی تے نان٘واں پَرایا         نہ جَھل ھاں تے پَتھر بُھکان٘واں پَرایا         قَسم بے پِچھان٘ویں پَـیَمبر دی خادِم         نِوِھی نال ٹُردا ، پِچھان٘واں پَـرایا

  جے ݙُکھ تِھیندے تاں تِھیوݨ ݙے         اے زھر امرت ھِے ، پِیوݨ ݙے         مَـرݨ دی آس ، ھِک پاسے         میکُوں فی الحال جِیوݨ ݙے

  حادثے دا شِکار تھی کھڑدیٔن           قتل تِھیوݨ تے تیار تھی کھڑدیٔن           میݙی مَستک دے ھیٹھ ݙُو صِفریں           تُوں ٹَکردیں تاں چار تھی کھڑدیٔن        

  سَبھے دَر بھر سڳے جیڑھا             حیاتی ھر سڳے جیڑھا               اُوھو خادم اَمـر تِھیندے             مُحبت کر سڳے جیڑھا