رون٘دی رہی اِنسانیت ، اِنسان کِھلدا رہ ڳیا
آدمی دی سوچ تے،حیوان کِھلدا رہ ڳیا
میں کَنُوں تاں ودھ ڳیا ہِے تیݙا بن٘دہ اے خُدا
کـر کےمُنہہ اَسمان دو،شیطان کِھلدا رہ ڳیا
میݙا معنیٰ چھوڑ کے،مانی دا معنیٰ کَڈھ گھدس
اَڄ دے مُلاں دے اُتے،قـرآن کِھلدا رہ ڳیا
دھـرتی تے شَبخون دی،کالی اندھاری چھا ڳئی
تاراں دی بارات وِچ ، اَسمان کِھلدا رہ ڳیا
فاتحہ ݙیوݨ ڳیا ہا ، واللّٰہ اعلم کیا تِھئیس
حسـرتاں دی قـبر تے ارمان،کِھلدا رہ ڳیا
لا الہ دا لین٘دے لیبل جُـرم دی بندُوق تے
ایجھیں دَہشت گـرد تے اِیمان کِھلدا رہ ڳیا
با عمل کئی دوزخی تے بے عمل جَنَت ڳیا
نِیـتاں شــاکِــر ݙیکھ کے،دربان کِھلدا رہ ڳیا