ـ ݙِتی عِشق ݙِکھالی ساکُوں
ـ ݙتی عشق ݙِکھالی
چَن دے وِچوں مُسک الایا
مَن دے وِچوں مُسک الایا
اکھیاں وِچ اَکھ بھالی آکے
اکھیاں وِچ اکھ بھالی
اُوندی کِھل چوں ݙِسیا ساکوں
مُکھ تے تِل چوں ݙِسیا ساکوں
ـ ݙِسیا بَݨ خُوشحالی اصلوں
ـ ݙِسیا بݨ خُوشحالی
وانگ ھوا دے گُھلدا آیا
سَنھ سَنھ وِچ آ جوش جگایا
کِیتا مَست موالی دم دم
کِیتا مَست موالی
مَستِیاں دے وِچ ناں ھِے اِیندا
وَستیاں دے وِچ ناں ھِے اِیندا
ھِے کوئی چِیز نِرالی بھولا
ھِے کوئی چِیز نِرالی
آپ نہ وِسرے جگ وِسرائیس
نال اساݙے سنگت لائیس
کھادی عقل بَھن٘وال ساݙے
کھادی عقل بَھن٘والی