Jay assan na honday

وے سائیاں جے اساں نہ ہوندے
وے سائیاں جے اساں نہ ہوندے
کوݨ تساکوں رَب سمجھے ہا
کیکوں تُساں کوہندے
وے سائیاں جے اساں نہ ہوندے
کیڑھے تیݙا ماݨ کَرن ہا
کیڑھے تیکوں لوہندے
کوݨ گِھنے ہا تیݙیاں حُوراں
کیکوں دوزخ ڈھوندے
وے سائیاں جے اساں نہ ہوندے
مُونجھ فراق تُوں کیکوں ݙیندوں
کیڑھے روڳی روندے
وے سائیاں جے اساں نہ ہوندے
جگ دیاں سُلہݨ ڳلیاں اندر
 کیڑھے کُتے بَھوندے
وے سائیاں جے اساں نہ ہوندے