دَمان آرگنائزیش دے پرائمری سکولاں اِچ
سویل ویلے اسمبلی اِچ پڑھی ونڄݨ آلی دُعا
*******************************
مِٹی میں دَمان دی،کوہ سلیمان دی
الؐلہ میݙا سئیں آں،تیݙے درتےآئی آں
میݙی آم شام تُوں،ݙیویں امان تُوں
مِٹی میں دَمان دی،کوہ سلیمان دی
مِٹی آں میں بُھرݨی،راہ سِدھے تے ٹُرݨی
مِٹی آں میں چِیکݨی،سَوکھی نہ پَٹِیجݨی
مِٹی میں دَمان دی،کوہ سلیمان دی
راہ زِندہ پِیر دا،پِیر میݙے وِیر دا
پِینگھ بی بی سَیݨ دی،پَٻِݨ پَـٻَـیـݨ دی
مِٹی میں دَمان دی،کوہ سلیمان دی
ھیٹھوں وَڳدا سِندھ ھِے،سِندھ میݙی جِند ھِے
راھی اے ٻِلوٹ دا،پَندھ مِٹھݨ کوٹ دا
مِٹی میں دَمان دی،کوہ سلیمان دی