٭٭٭٭٭٭٭٭٭۞٭٭٭٭٭٭٭٭٭٭
اوں رات اساڈیاں ڳالھیں وِچ
 کوئی چَوتھا وی تاں ٻیٹھا ہَئی
ہِک چُپ اساݙے نیڑے ہئیÂ Â Â Â
ہِک ٻول وی سَݙا ݙیندا ہا
اوں رات دی گھاٹی نِن٘در وِچوں
ہِک سِجھ وی سَندھ پیا لَیندا ہئی
او چَوتھا آخِر کیڑھا ہئی
اوں چُپ نے پاسے بدلے ہَن
او ٻول اَلا دی چَس اِچ ہئی
جیڑھا ہِکو وِرد کریندا ہئی
اساں کیڑھے در تے آ ڳئے ہَیں
٭٭٭٭٭٭٭٭٭٭۞٭٭٭٭٭٭٭٭٭
اوں رات وی کُتے بھونکے ہَن
اوں رات وی ٻِلی رُنی ہَئی
اوں رات وی چَندر دی چُپ اِچ سئیں
اساں سِجھ نال ڳالھیں کیتیاں ہَن
اوں رات وی لوکیں دیر تئیں
کوئی ہِکو خاب ای ݙِٹھا ہَئی
اوں رات وی آخر کوئی تاں ہَئی
جیڑھا زور دا دَر کَھڑکیندا ہَئی
تُساں ساریاںÂ ڳالھیں ڄاݨدے ھو
٭٭٭٭٭٭٭٭٭۞٭٭٭٭٭٭٭٭
اوں رات کوں شہر نے دیر تئیں
اپݨیاں اَکھیں چَوک اِچ رَکھیاں ہَن
اوں رات کوں،قِصہ ٹُردے ای
خود اپݨی ٹور وی بُھلیا ہا
اوں رات ہِک وَݙی کندھی تے
ہِک کِرڑی رستہ بُھل ڳئی ہئی
اوں رات کوں پَکھی وَلے ناں
اوں رات کوں ٻِلی موئی ہئی
اساں تُہاݙی ڳالھ کریندے ہَیں
٭٭٭٭٭٭٭٭٭۞٭٭٭٭٭٭٭٭٭٭٭٭٭٭