روھی وُٹھڑی ٹوبھا تار وے

 

آ مِل تُوں سینگا یار وے

 

تَھئے تَھلڑے باغ بہار وے

 

چَودھار گُل گُلزار وے

 

 

کِتھے چِݨکیں دے چَھݨکار وے

 

 

کِتھے مَٹیاں دے گُھٻکار وے

 

 

ـ ݙینہہ رات مینگھ ملہار وے

 

 

وِچ پَکھیاں دے چَوھنکار وے

 

 

کِتھے گاج دے دُھدکار وے

 

 

کِتھے کِھمݨ دے لَسکار وے

 

 

آ ئے سُکھ سُہاڳ دے وار وے

 

 

ـ ڳئے ݙوکھ وی آر وے پار وے

 

 

سینگِیاں وَسِن گھر ٻار وے

 

 

ھِک میں رُلی اوؐا سار و

 

 

 

ـ ݙوکھ سُول نال وپار وے

 

 

تَوں بِن فَرید خُوار وے

 

 

رَت ہَنجڑُوں رووَݨ کار وے

 

 

وَل جَلد موڑ مہار وے

 

 

 ناں تاں مَر ویساں وارو وار وے

 

 

٭٭٭٭٭٭٭٭٭٭٭٭٭٭٭٭٭٭٭