جِیوݨ جوکھ دے رَستے رُلدیں،وَرہیوں گُزرین،لَحظہ سُکھ دا پلّے نئیں پِیا
ـ ݙین٘ہہ کُوں جھورے بھوڳ سنبھلدوں، سِر تے کالی رات
ہے ناں ڄیندی پربھات
وَںکووَن دیاں سِٹیاں مارے،گھرگھروِچ چِٻریاں چِرکاوے
خَوف تُوں کہیں کوں نِن٘درناں آوے،ہَر پاسے چُپ چاپ
ـ ݙر توں جے کوئی کہیں کوں سَݙے، اپݨی وحشت ٹالݨ کیتے
ہِک ٻَے دا مُںہہ ݙیکھݨ کیتے،ہَرکہیں اَپݨے اَپݨے مُںہہ تے ݙِیوے ٻالے
بَھل ایں اندھی رات وِچالے،ہَتھ کوں ہَتھ نئیں سُجھدا
ہُݨ اے ݙیوے، ایویں لَڳدن،ڄیویں قَبریں ٻَلدے ہووِن
اے وی گَھٹ نئیں ٻَلدے تاں ہِن،اے وی ݙَرءِ اَکھیں ݙیوے وِسّم
ناں ون٘ڄِن
اے وی گَھٹ نئیں ٻَلدے تاں ہِن،اے وی ݙَرءِ اَکھیں ݙیوے وِسّم
ناں ون٘ڄِن
کِے تائیں ،اَساں دَھرتی واسے،روندے رَہسوں
سِجھ دی ڳول ءِچ،رُلدے رَہسوں