میکُوں کلہڑا چھوڑ تے ، ویندیں کَیندے سانگ
قطرہ مَحض کَکیس نہ آیو ، لایو ھِجر دی سانگ
تھــل مارُو دا سارا پـیـنڈا ، تِھیسم ھِک ٻِلـہـانگ
جے تئیں ناساں دے وِچ ساہ اِم ، رَھسِم تیݙڑی تان٘گ
ـ ڄاوَݨ لا دی بِرھُوں سُݨـایم،کَنیں ݙُکھاں دی بانگ
صَدقے کِیتے ھِیں نِینہہ کولہوں،کھاوم کالڑا نانگ
چھوٹے وقت کُن٘وارے ویلے، لڳـڑم تیـݙڑا دانگ
میں ھاں کیڑھے باغ دی مُولی،کئی رُل موئے میں وانگ
گُھمَـر گھیر فَــــریـد کَپَر دے،نہ تِـڑ ݙِسـم نہ ٹانگ
******************